O Consorcio As Mariñas lanza en Culleredo unha nova campaña de compostaxe doméstica e suma oito fogares máis

A iniciativa, que inclúe charlas formativas e entrega gratuíta de composteiros, percorrerá as parroquias de Culleredo durante outubro para impulsar a xeración de abono doméstico e reducir residuos

O Consorcio As Mariñas celebrou esta semana no Centro Cívico de Castelo unha nova sesión informativa e entrega de material incluída na súa campaña de compostaxe doméstica, coa incorporación de oito novas familias ao proxecto de autoxestión dos biorresiduos. A iniciativa busca fomentar prácticas locais de valorización dos restos orgánicos e transformalos en abono natural de alta calidade.

Nas xornadas, ademais de explicar os principios básicos da compostaxe, entregouse de balde un kit completo de autocompostaxe —composteiro, aireador, termómetro e peneira— e informou sobre os coidados fundamentais para garantir un proceso eficaz. A participación nas actividades é gratuíta, aínda que recoméndase inscribirse con antelación para axilizar a entrega do material.

O Consorcio programou diversas sesións ao longo do mes de outubro nas parroquias do concello; o calendario previsto é o seguinte:

• Xoves 16 de outubro, 20:00 h — Centro Cultural de O Noso Lar (Tarrío).
• Luns 20 de outubro, 20:00 h — Centro Cívico Virginia Blanco (Fonteculler).
• Mércores 22 de outubro, 17:00 h — Centro Cultural de O Noso Lar (Tarrío).
• Venres 24 de outubro, 12:00 h — Centro Social de Sueiro.
• Mércores 29 de outubro, 20:00 h — Centro Social de Celas.

As persoas interesadas poden inscribirse e consultar información actualizada a través da web do Consorcio.