O Consorcio As Mariñas instala puntos informativos sobre reciclaxe de aceite e biorresiduos nos concellos da comarca
O Consorcio As Mariñas pon en marcha unha campaña itinerante para achegar a reciclaxe aos fogares da comarca. Durante as vindeiras semanas, equipos informativos percorrerán os municipios asociados para explicar como xestionar correctamente o aceite doméstico usado e os biorresiduos, resolver dúbidas e repartir material útil para separar en orixe.
Segundo o calendario difundido, nesta primeira quenda a carpa visitará Bergondo e Betanzos o martes, Culleredo o mércores, Cambre o xoves e Carral o venres. As persoas usuarias recibirán indicacións prácticas sobre o uso dos contedores específicos, como almacenar o aceite en botellas pechadas ou que restos orgánicos poden depositarse no marrón, ademais de consellos para reducir residuos no día a día.
A iniciativa está organizada polo Consorcio As Mariñas, conta co apoio da Xunta de Galicia e finánciase a través do Plan de Recuperación, Transformación e Resiliencia (Next Generation EU). O obxectivo é incrementar as taxas de recollida selectiva e avanzar cara un modelo de economía circular máis eficiente na comarca.