O Concello de Sada organiza a charla 'Riqueza Ornitolóxica da Ría Ares-Betanzos. Praia das Delicias'.

En colaboración, coa Sociedade Galega de Historia Natural, ofrecerá unha visión detallada da diversidade de especies de aves

O Concello de Sada, en colaboración coa Sociedade Galega de Historia Natural, organiza unha charla aberta ao público titulada 'Riqueza Ornitolóxica da Ría Ares-Betanzos. Praia das Delicias'.

A cita terá lugar o venres 7 de febreiro ás 19.00 horas no local de usos múltiples situado no baixo da OMIX (Oficina Municipal de Información Xuvenil) de Sada.

A charla ofrecerá aos asistentes unha visión detallada sobre a diversidade de especies de aves que habitan a ría e a súa importancia para o ecosistema local. A actividade é de acceso libre e está dirixida a todas as persoas interesadas en coñecer a rica fauna ornitolóxica da zona.