O Concello de Oza-Cesuras organiza unha excursión ao Santuario da Nosa Señora do Corpiño
O Concello de Oza-Cesuras organiza unha excursión especial ao Santuario da Nosa Señora do Corpiño o vindeiro 12 de abril, ofrecendo á veciñanza unha oportunidade para compartir esta tradicional peregrinación nunha xornada de convivencia.
A viaxe comezará cunha primeira parada en Cesuras, no Parque das Nenas, ás 9.00 horas, e unha segunda en Oza, na parada de taxis, ás 9.15 horas. O itinerario inclúirá unha visita a Lalín antes de dirixirse ao santuario, onde os participantes poderán asistir á misa. Posteriormente, celebrarase un xantar comunitario.
O custo da viaxe é de 18 euros, correspondentes unicamente ao prezo do xantar. As inscricións xa están abertas e poden realizarse presencialmente nas sedes do Concello ou chamando aos teléfonos 981 792 000 e 981 790 001.
Dende o Concello de Oza-Cesuras animan a toda a veciñanza a participar nesta viaxe, que busca fortalecer os lazos comunitarios e manter viva unha das tradicións máis enraizadas da cultura galega.