O Concello de Ordes corta o tráfico en Vilamaior durante cinco días por obras de mellora viaria
Concello de Ordes informou dun corte temporal de estrada na parroquia de Vilamaior, no termo municipal de Ordes, motivado pola execución de obras de mellora do firme e actuacións de acondicionamento viario. A intervención ten unha duración estimada de cinco días, condicionada pola meteoroloxía.
Segundo comunica o Concello, o corte abrangue o treito que vai desde O Peñasco (zona do almacén en O Pedrouzo) ata Olas, xunto ás instalacións de Soutelo. O ámbito principal de obra sitúase entre A Armada e As Corredoiras, onde se prevén traballos máis intensivos.
Durante o período de actuación estará prohibida a circulación no tramo sinalizado, polo que se recomenda empregar vías alternativas e respectar en todo momento as indicacións do persoal de obra e da sinalización provisional. O Concello pide desculpas polas molestias e lembra á veciñanza a necesidade de reducir a velocidade e extremar as precaucións na contorna dos traballos.