O Concello de Oleiros publica a lista de persoas admitidas no programa de envellecemento activo

As persoas admitidas recibirán unha chamada de teléfono na que se lle informará da actividade e a data na que poden incorporarse a clase

Comeza un novo curso cheo de actividades no programa de envellecemento activo organizado polo Concello de Oleiros. Ademais de todas aquelas persoas que xa participaban, acaba de publicarse o listado coas persoas admitidas para o curso 2024/2025.

O programa de “Envellecemento activo” é un programa de continuidade temporal para maiores de 65 anos cuxo obxectivo é manter unha vida activa tanto física como psicoloxicamente.

As persoas admitidas recibirán unha chamada de teléfono na que se lle informará da actividade e a data na que poden incorporarse a clase. Todas aquelas persoas interesadas que fican en lista de reserva, serán chamadas por orde segundo queden prazas dispoñibles nas actividades para as que solicitaron praza.