O Concello de Oleiros pon en marcha o programa de reforzo e apoio educativo municipal
O programa de reforzo e apoio educativo municipal de Oleiros (PRAEMO) volverá comezar a finais de outubro. Este programa educativo está dirixido ao alumnado de Primaria e Secundaria do Concello.
Os obxectivos do PRAEMO son previr o fracaso escolar, reducir e previr o absentismo, apoiar ás familiar fóra dos horarios propiamente lectivos, apoiar ao alumnado no avance e desenvolvemento dos seus estudos, promover hábitos e técnicas de estudo e reforzar as aprendizaxes realizadas nas escolas e institutos.
O programa comezará a semana do 21 de outubro e rematará a semana do 20 de xuño nos correspondentes centros culturais municipais cun diverso horario semanal.
En Educación Primaria, será os luns de 17.00 a 19.00 horas no Centro Cívico de Santa Cruz e Casa do Pobo de Nós; os martes será de 17.00 a 19.00 horas na Casa da Cultura de Perillo, e os xoves no mesmo horario no Centro Social AAVV Maianca (Lagoa de Mera).
Educación Secundaria, será os mércores, de 18.15 a 20.15 horas no Cetro Cívico de Santa Cruz; os xoves, de 18:00 a 20:00 na Casa do Pobo de Nós; os venres, de 17.00 a 19.00 horas no Centro Social AAVV Maianca (Lagoa de Mera); e os venres, de 18.00 a 20.00 horas na Casa da Cultura de Perillo.
O prazo de pre-inscrición estará aberto ata o 18 de outubro, entregando a ficha de inscrición cuberta e asinada nas oficinas da Concellería de Ensino e Xuventude (Centro Cultural A Fábrica-Rúa do Inglés, 13), a través da Sede electrónica ou correo electrónico a a.candamio@oleiros.org. O prezo da actividade é de 10 euros ao mes.