O Concello de Coirós abre o prazo para inscribirse nas actividades culturais e deportivas
O Concello de Coirós mantén aberto, ata o 19 de setembro, o prazo de inscrición para participar nas actividades municipais de cultura e deporte correspondentes ao curso 2025-2026. As solicitudes poderán tramitarse de maneira preferente a través da sede electrónica ou, alternativamente, no rexistro do centro de servizos sociais. As prazas adxudicaranse por orde de inscrición e non se conservarán reservas do curso anterior.
O custo trimestral das actividades para persoas empadroadas é de 18 euros, gozando ademais de prioridade de acceso. Para quen non figure no padrón, o prezo será de 18 euros ao trimestre. As familias numerosas empadroadas terán un desconto do 50% e, no caso de persoas desempregadas con residencia en Coirós, a participación será gratuíta.
O programa inclúe novidades como teatro, hixiene postural e chan pélvico, pilates de forza, pilates de mobilidade e deportes de raqueta. Así mesmo, incorpórase a actividade Verbena, pensada para maiores de 65 anos, que lles permitirá gozar dunha actuación musical cada dous meses, os xoves de 18.15 a 19.15 horas.