O Concello de Carral ofrece dúas vacantes de traballo: soldador e pulidor
O departamento de Emprego do Concello de Carral informa sobre dúas novas ofertas de traballo nas áreas de soldadura e pulido.
A vacante de soldador require formación técnica en deseño de fabricación mecánica, carpintería metálica, e fabricación e montaxe. As tarefas consistirán na unión de elementos metálicos, corte de metais e soldadura de diversos materiais.
A vacante de pulidor implica o tratamento de superficies metálicas, uso de ferramentas de pulido e mantemento de equipo.
Ambas ofertas son con incorporación inmediata e xornada completa de 8.00 a 16.00 horas, cun salario acorde ao convenio colectivo. Tamén se esixirá realizar unha proba de dominio das funcións relacionadas co posto.
Trasladan desde o departamento que as persoas interesadas poden enviar o seu currículo ao correo electrónico aedl@carral.es, indicando no asunto "Pulidor" ou "Soldador".