O Concello de Bergondo remata as melloras en seguridade no acceso á área recreativa de Lubre
O Concello de Bergondo finalizou recentemente as obras de mellora da seguridade viaria no acceso á área recreativa de Lubre, unha actuación que se financiou con fondos propios e que contou cun orzamento total de 44.057,66 euros.
As melloras levadas a cabo incluíron a renovación do pavimento e a plataforma destinada ao tráfico rodado, así como a creación dunha senda peatonal delimitada por bolardos para mellorar a seguridade dos peatóns que utilizan esta vía para chegar á zona de equipamentos, como é o caso da área recreativa de Lubre.
Desde o Goberno local de Bergondo destacan que esta obra forma parte dun proxecto de mellora integral da zona, que tamén inclúe a renovación do local social, do aparcamento, do merendeiro, do parque biosaludable e do parque infantil, así como da rede de pluviais e da pista deportiva, onde se instalou unha cuberta, unha grada e vestiarios. Este conxunto de actuacións busca mellorar tanto a seguridade como a accesibilidade e o benestar dos veciños e veciñas de Bergondo.