O Concello de Arteixo anuncia un corte de auga para mellorar a rede
O Concello de Arteixo, a través dos Servizos Urbanos Municipais (SUMARTE), informa dun corte programado no subministración de auga durante a madrugada do domingo 4 ao luns 5 de maio, co obxectivo de acometer melloras na rede municipal. O servizo verase interrompido entre as 00.00 e as 07.00 horas.
A interrupción afectará a varios puntos do núcleo urbano. Entre eles atópase a avenida de Fisterra, no treito comprendido entre os números impares do 79 ao 137, así como as rúas Reconquista, Guerra da Independencia, Sinforiano López, Xeral Porlier, Cerrada, Petellas e Costa María Pita.
Desde SUMARTE solicítase á veciñanza que tome precaucións durante esas horas, especialmente evitando deixar billas abertas e non utilizando electrodomésticos como lavadoras ou lavalouzas no momento en que se restableza o servizo.
O Concello agradece a comprensión da cidadanía e lembra que estas actuacións son necesarias para continuar mellorando a calidade e eficiencia da rede de abastecemento de auga no municipio.