O Club Natación Culleredo abre a inscrición para os cursos infantís do curso 2025-2026
O Club Natación Culleredo organiza un novo ciclo de cursos de natación destinados a cativos e cativas de entre 4 e 12 anos, que se desenvolverán entre setembro de 2025 e xuño de 2026. As sesións terán lugar na piscina de Acea de Ama e contarán con dous horarios posibles: de 16.00 a 17.00 horas e de 17.00 a 18.00 horas.
A rapazada participante será distribuída en grupos segundo o seu nivel de experiencia, e poderán escoller entre asistir luns e mércores ou martes e xoves. A partir do 22 de agosto abrirase a matrícula para aquelas persoas que desexen inscribirse un só día á semana, sempre que existan prazas dispoñibles nos grupos.
O prezo da actividade é de 45 euros ao mes para dous días semanais, cunha cota inicial de inscrición de 15 euros. Ademais, as familias con máis dun fillo inscrito poderán beneficiarse dun desconto do 10 %.
As persoas interesadas poden cubrir a súa solicitude en liña a través da web www.natacionculleredo.com, ou solicitar máis información no teléfono 698 16 42 84 ou no correo electrónico cnculleredo@gmail.com.