O Club Liceo volve á Champions cun partidazo ante o Oliveirense en Riazor
O HC Liceo regresa á WSE Champions League coa ilusión de repetir vellas fazañas continentais. O equipo coruñés estrearase na fase de grupos ante o UD Oliveirense, nun encontro que se disputará o xoves 6 de novembro ás 20.30 horas no Pazo dos Deportes de Riazor. A cita promete emoción e espectáculo nun dos clásicos do hóckey europeo.
Os pases para o encontro poden adquirirse en liña mediante a plataforma Cluber ou fisicamente nas taquillas de Riazor, que abrirán desde as 19.30 horas. Os prezos serán de 7 euros para adultos, 5 euros para menores de 25 anos e 3 euros para menores de 15 anos.
Os socios do Liceo poderán acceder de balde amosando o código QR do seu carné, en formato dixital ou impreso. O mesmo beneficio terano os abonados do Real Club Deportivo que pagaran o suplemento de 5 euros.
Tamén haberá portas abertas para os máis pequenos, sempre que acrediten pertencer ao Colexio Liceo ou dispoñer de licencia federativa. O club anima a toda a afección verdibranca a encher Riazor e apoiar ao equipo nesta nova aventura europea.