Deportes

O campus desenvolverase no Polideportivo Ría do Burgo os días 23, 24, 26 e 27 de decembro e incluirá actividades con merenda e sorpresas

O Club de Patinaxe Aura celebrará un campus especial de Nadal no Polideportivo Ría do Burgo, en Culleredo, cun programa de actividades deseñado para o disfrute de nenos e nenas. Esta iniciativa, organizada coa colaboración do Concello, terá lugar os días 23, 24, 26 e 27 de decembro en horario de 9:30 a 13:30 horas.

O campus terá un custo de 50 euros por persoa, que inclúe unha merenda diaria con chocolatada e outras sorpresas para os participantes. Para máis información ou para realizar a inscrición, pódese contactar no teléfono 649 820 720.