O cantante arxentino Trueno actuará na Coruña no marco da súa xira mundial
O Coliseum de A Coruña recibirá este ano a unha das grandes figuras do rap e da escena urbana global: o arxentino Trueno. O gañador dun Latin Grammy á mellor fusión/interpretación urbana co seu tema ‘Tranky Funky’ visitará a cidade o próximo 27 de xuño, dentro da súa xira mundial de presentación do seu novo disco ‘El Último Baile’. As entradas para o seu concerto sairán á venda próximamente.
Gonzalo Castro, concelleiro de Cultura e Turismo, subliñou a importancia deste evento: "Desde o Goberno de Inés Rey seguimos diferenciándonos a nivel cultural con citas únicas como esta, que será exclusiva no noroeste peninsular", destacou. Trueno, nacido en Bos Aires en 2002, é un dos maiores expoñentes da música urbana a nivel internacional. Co seu talento e autenticidade, xorde do barrio da Boca para levar a súa enerxía e creatividade ao mundo enteiro.
Desde o lanzamento do seu primeiro álbum ‘Atrevido’ en 2020, que incluía o exitoso tema ‘Mamichula’ (no que colaborou con Nicki Nicole), Trueno viviu un crecemento imparable. O seu disco máis recente, ‘El Último Baile' revolucionou as plataformas dixitais, sumando máis de 400 millóns de escoitas co seu himno ‘REAL GANGSTA LOVE’. Actualmente, o rapero conta con case 20 millóns de oíntes mensuais en Spotify.
Nos últimos anos, Trueno converteuse nunha voz esencial do movemento urbano arxentino, realizando colaboracións con artistas de renome como Bizarrap, Duki, J Balvin, Tiago PZK, Nathy Peluso ou Bad Gyal. A súa conexión co público, tanto arxentino como internacional, é clara, como demostran os dous cheos consecutivos que logrou en marzo deste ano no Movistar Arena de Madrid e no Sant Jordi Club de Barcelona.
O concerto de Trueno en A Coruña, o 27 de xuño no Coliseum, promete ser unha das grandes citas musicais do ano na cidade e un evento exclusivo para o noroeste peninsular. A espera por este espectáculo único xa comeza, e os fans do rap e da música urbana teñen unha nova cita importante na súa axenda.