O Cambre Tenis de Mesa estrea sede na rúa Samosteiro e dá un novo pulo ao deporte base

As novas instalacións, situadas xunto ao Centro de Saúde, abren a porta á práctica do tenis de mesa para todas as idades e reforzan a canteira do club

O Cambre Tenis de Mesa celebra a apertura da súa nova casa na rúa Samosteiro, no bloque de edificios do Centro de Saúde, un emprazamento céntrico e de doado acceso que permitirá medrar en servizos e actividade. Co estreno desta sede, o club dá un paso adiante na promoción do tenis de mesa no municipio, cun espazo mellorado para adestrar, competir e compartir unha disciplina rápida e apaixonante.

A intención é clara: sumar nenos, mocidade e adultos a unha práctica deportiva accesible, ideal para mellorar a coordinación e a concentración, perfeccionar a técnica e crear comunidade. Desde o Cambre Tenis de Mesa subliñan que as portas están abertas a quen queira iniciarse ou retomar o deporte, nun ambiente próximo e formativo, co obxectivo de alimentar a canteira local e consolidar unha escola de referencia no concello.