O Burgo comeza hoxe as súas festas do Apóstol
![o burgo festas do apostol en culleredo](https://acorunaxa.com/wp-content/uploads/2024/07/o-burgo-festas-do-apostol-en-culleredo.jpg)
A localidade do Burgo, en Culleredo, celebra as súa festa do Apóstol do 23 ao 28 de xullo. Contará con grandes actuacións musicais, así como oficios relixiosos na honra á Virxe do Carmen e ao Santiago Apóstol.
O programa dará comezo hoxe cunha verbena a cargo da orquestra París de Noia e, logo de todo o día seguinte de descanso, continuarase pola noite con outra verbena con América Vigo como protagonista.
O xoves, a festividade dará comezo cun pasarrúas coas charangas Santa Compaña e Alambique como acompañamento. A continuación, terá lugar a sesión vermú co dúo Estrella e a verbena con Los Satélites.
O venres haberá unha churrascada populare a verbena estará a cargo da orquestra Ritmo Joven. O grupo Bomba será a que amenice a do sábado, onde haberá fogos artificiais.
O domingo, a festividade comezará cun pasarrúas coas charangas Os Celtas e DGT como acompañamento. Aixa Roma será o protagonista da sesión vermú e Panorama da verbena de fin de festa.
Os actos relixiosos celebraranse no horario acostumado.