O BNG insta á Xunta a ceder o uso do Complexo Xuvenil As Mariñas ao Concello e ao tecido asociativo
O BNG conseguiu aprobar no pleno do Concello de Bergondo unha moción para instar ao Concello e á Xunta de Galicia a acordar un convenio que permita o uso do Complexo Xuvenil As Mariñas, que inclúe o albergue de Gandarío e o coñecido como o da "Mariña Española", tanto para o Concello como para o tecido asociativo local interesado.
O portavoz do BNG, David Carro, destacou que “temos unhas instalacións de primeiro nivel, unha xoia, con varios pavillóns para pasar a noite, instalacións adaptadas, pistas polideportivas, anfiteatro, laboratorios, comedor ao aire libre, zona de acampada, piscina, salas de reunións... instalacións que a maior parte do ano están infrautilizadas e as que se lles pode quitar maior partido”.
Carro cuestionou as razóns de que o Concello e o tecido asociativo non poda acer uso destas instalacións públicas, incidindo nos motivos polos que se nega o uso “cando nestas non hai actividades da Xunta”. A moción foi aprobada só cos votos do BNG e a abstención do resto de grupos.