O BNG de A Coruña cuestiona a situación das instalacións deportivas municipais con concesións caducadas
O concelleiro do BNG na Coruña, David Soto, expresou a súa preocupación polo elevado número de instalacións deportivas municipais cuxos contratos de concesión están caducados ou a piques de facelo. Entre os exemplos citados destacan o Campo Municipal de Golf, o Complexo Deportivo de San Diego, a Piscina Municipal de San Amaro e o Polideportivo Municipal da Sagrada Familia.
Soto formulou diversas preguntas por escrito ao Goberno Local, interesándose por coñecer cando caducaron ou caducarán as concesións das conserxarías e cal é, ao seu xuízo, a razón de que existan tantos contratos vencidos. Ademais, manifestou preocupación polo Polideportivo de San Diego, onde detectou problemas de mantemento e unha redución na oferta de clases dirixidas.
O nacionalista tamén quere saber cando se licitará a nova concesión da xestión do polideportivo e reclamou ao Goberno de Inés Rey claridade e planificación respecto da situación dos equipamentos deportivos municipais, para garantir un servizo de calidade á cidadanía.