Eventos

A compañía Verdeveras leva ao escenario unha peza sobre o reencontro dunha parella e unha viaxe emocional para repensar o amor

O Auditorio Manuel Murguía acollerá este venres 13 de febreiro, ás 20.30 horas, a representación de 'As formas do amor', un espectáculo da compañía Verdeveras que propón unha mirada íntima e reflexiva arredor dos vínculos afectivos.

A obra xira arredor do reencontro de 'ela e el', nunha función que combina emoción e preguntas abertas sobre as distintas maneiras de querer e de relacionarse. A proposta busca levar o público por un percorrido sentimental no que o amor aparece con matices, dúbidas e cambios.

As entradas teñen un prezo de 4 euros e 3 euros e poden adquirirse a través da web.