O Atlético de Arteixo advirte que aparecen rifas falsas ofrecidas en nome do club
O Atlético de Arteixo comunicou a detección de persoas alleas á entidade que están a ofrecer rifas e outros sorteos facendo uso do nome do club. A directiva insiste en que o clube non promove nin organiza esas rifas: todas as accións oficiais anúncianse sempre polas canles e perfís verificados do club nas redes sociais e en comunicacións oficiais.
Desde o clube pídese ás persoas que mercaron unha rifa supostamente en nome do Atlético de Arteixo que non borren mensaxes, tickets, pantallazos, comprobantes de pago (Bizum, transferencias, etc.) nin fotos do material recibido, e que contacten canto antes co club por mensaxe privada nas súas redes oficiais ou mediante o correo electrónico institucional para coordinar actuacións e, se procede, asesorar para tramitar a denuncia. Ademais, recoméndase presentar denuncia ante a Policía Local, a Garda Civil ou a Policía Nacional, achegando toda a documentación como proba, e informar ao banco no caso de pagamentos electrónicos para valorar posibles medidas.
O Atlético de Arteixo agradece a quenes difundan este aviso para previr máis incidencias e solicita prudencia: evitar acusacións públicas sen probas e dirixirse ás canles oficiais para confirmar calquera iniciativa anunciada en nome do club.