Naturgy anuncia cortes de luz en Oleiros os días 21, 23 e 24 de outubro
O Concello de Oleiros informou este xoves, 16 de outubro de 2025, de que a empresa Naturgy realizará varios cortes de subministración eléctrica a semana vindeira para efectuar labores de mantemento e desenvolvemento da rede. As interrupcións serán en horario de madrugada co obxectivo de minimizar o impacto na veciñanza.
O martes 21 de outubro, entre as 03.00 e 05.00 h, os traballos afectarán á zona de Beiramar, concretamente ás rúas Ánade Real e Cormorán. O xoves 23 de outubro haberá dous tramos en Perillo: de 00.00 a 03.00 h nas rúas da Ribeira e do Inglés, e de 03.00 a 05.00 h na rúa Corredoira das Viñas. O venres 24 de outubro, de 02.00 a 04.00 h, o corte realizarase na rúa Cividanes, en Mera. O Concello agradece a colaboración cidadá e pide desculpas polas molestias ocasionadas.