Morás acollerá o novo parque comarcal de bombeiros tras o inicio das obras
Arteixo puxo en marcha este martes as obras do novo parque comarcal de bombeiros no polígono de Morás, dentro do plan do Consorcio Provincial de Bombeiros. A nova base relevará ás instalacións actuais de Sabón e achegará máis espazo e mellores prestacións para o servicio de emerxencias.
A infraestrutura levantarase nunha parcela municipal de 4.000 metros cadrados e conta cun orzamento de 1,3 millóns de euros. O proxecto foi revisado e aprobado polo equipo técnico do Consorcio, que avalou a súa idoneidade operativa.
As instalacións emprazaranse nun ámbito que xa concentra servizos municipais esenciais: o parque de maquinaria, as oficinas de obras e limpeza, o servizo de recollida de residuos, o depósito da grúa e Protección Civil. Esta ubicación facilitará a coordinación e a eficiencia en situacións de emerxencia.
A parcela de Morás procede do solo subastado en 2022 e 2023 —adquirido por Inditex por 5,08 millóns de euros—, recursos que o Concello está a destinar á modernización de instalacións públicas en todo o termo municipal, entre elas o novo parque de bombeiros.