Miño impulsa o deporte ao aire libre coa renovación do campo de fútbol e vóley praia en A Ribeira
O Concello de Miño continúa a súa aposta pola promoción dun estilo de vida activo e saudable coa recente instalación, un ano máis, dun campo para a práctica de fútbol e vóley praia na praia de A Ribeira, un dos principais puntos de encontro do municipio durante a tempada estival.
Esta infraestrutura deportiva reforza o compromiso do Goberno local coa promoción do deporte ao aire libre, especialmente entre a mocidade e as familias, que son os principais usuarios deste espazo.
“Un ano máis, o deporte e a saúde volven ser piares fundamentais da nosa acción de goberno. Queremos que Miño sexa un referente en Galicia non só pola súa contorna natural privilexiada, senón tamén pola súa capacidade para ofrecer espazos e servizos que contribúan a seguir consolidándonos como un dos concellos galegos con maior crecemento demográfico e calidade de vida”, sinalou o alcalde, Manuel Vázquez Faraldo.
A Ribeira consolídase así como un nodo clave do municipio, ao contar con servizos como chiringuito, socorrismo e distintivos de calidade como a Bandeira Azul e o Sendeiro Azul, que avalan a excelencia ambiental e turística do areal.