Miño arranxará dun camiño en Carantoña e o parque de Bemantes na segunda fase do POS Adicional 2024
O goberno local de Miño incorporou a pavimentación do camiño entre A Lameira e Os Castros, na parroquia de Carantoña, e a construción dun parque infantil en Bemantes como parte da segunda fase do Plan de Obras e Servizos (POS) Adicional 2024 da Deputación da Coruña.
Estas actuacións discutiranse na comisión de asuntos xerais que se celebrará mañá, xunto coa aprobación dunha addenda ao convenio de colaboración entre o Concello e a Asociación Xuntos As Mariñas, e a selección dos festivos locais para 2025.
As dúas obras representan un investimento total de 156.768,29 euros, dos cales o 84% será financiado pola Deputación da Coruña, mentres que o resto provirá das arcas municipais de Miño. Estas intervencións responden as solicitudes dos veciños de Carantoña e Bemantes, quen leva tempo demandando melloras nas súas infraestruturas locais.
En relación coa addenda ao convenio coa Asociación Xuntos As Mariñas, a súa aprobación permitirá á organización continuar o seu destacado labor na xestión de colonias felinas controladas en todo o municipio, abarcando a marcaxe, a esterilización e o control sanitario dos animais.
Por último, o goberno liderado por Manuel Vázquez Faraldo propoñerá que os festivos locais de 2025 sexan o 4 de marzo, coincidindo co Martes de Entroido, e o 28 de xuño, véspera de San Pedro, para ser aprobados na comisión de mañá.