Cultura

Durante tres días, as pistas de Rabazal converteranse na capital galega das letras con actividades literarias, concertos e charlas

Miño será, desde mañá e ata o domingo, a capital galega das letras coa celebración da III edición da Feira da Cultura EnCaMiño nas pistas de Rabazal. Durante as tres xornadas levaranse a cabo máis de vinte actividades culturais como conversas literarias e sinaturas de exemplares, espectáculos infantís, actuacións humorísticas, concertos e encontros literarios con clubes de lectura no restaurante local A Carbonera.

O evento reunirá a case 90 escritores, entre os que destacan nomes como os premios nacionais Yolanda Castaño e Manuel Rivas, os últimos Premios Xerais, Pedro Feijóo e Marta Villar, e autores do panorama literario galego e nacional como Arantza Portabales, Ana Lena Rivera, Alba Carballal, Diego Ameixeiras, Sica Romero ou May R. Ayamonte, entre outros.

Programación

Venres 19 de xullo

17.00 h: Apertura de actividades, sinaturas de exemplares e venda de libros.
18.00 h: Conversa “Verbas dende o mar”, con Branca Riestra e Xurxo Souto.
19.00 h: Faladoiro “Como tratamos á natureza?”, con Alba Carballal e Pablo J. Rañales. Moderado por María Nieto.
19.45 h: Benvida da feira por parte do alcalde de Miño, Manuel Vázquez Faraldo.
20.00 h: Conversa “Crime en Compostela”, con Arantza Portabales e Marta Estévez.
21.00 h: Espectáculo humorístico “Parasimpáticas”, a cargo das Izquierdo Sisters.

Sábado 20 de xullo

11.00 h: Apertura de actividades, sinaturas de exemplares e venda de libros.
11.30 h: Charla “Pequenas grandes lecturas”, entre Paula Merlán e Marta Villar.
12.30 h: Espectáculo infantil “Brinca Vai”, con Paco Nogueiras.
13.30 h: Faladoiro “O futuro nas verbas”, con Antía Yáñez, Antonio M. Fraga e Andrea Maceiras. Moderado por Violeta Meléndrez.
15.00 h: Encontro literario “Entre verbas e petiscos” con usuarios de clubes de lectura no restaurante A Carbonera.
17.00 h: Charla “Desvelando a Historia: de Cleopatra a Felipe II”, con Rodrigo Costoya e Emma Lira.
17.45 h: Faladoiro “Novas letras galegas”, con Sica Romero, Pablo J. Rañales, Miriam Beizana Vigo e Fabio Rivas. Moderado por Telmo Celeiro.
18.30 h: Faladoiro “A revolución do Noir”, con Men Marías, Celeste Bena de Rette e May R. Ayamonte. Moderado por Natalia Monje.
19.15 h: Charla “Historia do Norte”, con Ana Lena Rivera e Ulises Bértolo. Moderado por Iago Fandiño.
20.00 h: Charla “A política nos libros”, con Diego Ameixeiras e Pedro Feijóo.
20.00 h: Actuación musical de Soul & Roll.

Domingo 21 de xullo

10.00 h: Apertura de actividades, sinaturas de exemplares e venda de libros.
11.00 h: Ruta poética “Metanoia dos Sentidos”, con Yolanda Castaño, Manuel Rivas, Lúa Mosquetera e Sol Mariño.
11.30 h: Micro aberto de poesía “Rimas e Flores”.
12.30 h: Espectáculo infantil “Animaladas”, a cargo de Teatro Calavera.
13.30 h: Charla “Versos galegos”, con Yolanda Castaño e Manuel Rivas. Moderado por Blanca Riestra.
15.00 h: Encontro literario con clubes de lectura “Entre verbas e petiscos”, no restaurante A Carbonera.
17.00 h: Micro aberto de poesía “Cerimonia de gaivotas”, coordinado por Branca Trigo.
18.00 h: Faladoiro “Cara onde vai a poesía?”, con Lúa Mosquetera, Samuel Merino e Branca Trigo.
19.00 h: Charla “Poemas dende a experiencia”, con Elba Pedrosa, Pilar Astray e Sol Mariño. Moderado por Emma Pedreira.