Mellora do saneamento en núcleos rurais de Vilarmaior
Comezaron as obras de ampliación da rede de saneamento nos núcleos de A Viaxe, Libureo, Cioi e Castrillón, permitindo aos veciños conectarse proximamente ao sistema municipal. Esta intervención substituirá sistemas individuais menos eficientes, como fosas sépticas, por unha rede colectiva máis segura e sostible.
Os traballos garantirán a recollida e o tratamento adecuado das augas residuais, integrándoas no sistema xeral de saneamento de Vilarmaior. Isto reducirá o risco de contaminación do solo e dos acuíferos, contribuíndo á protección do medio ambiente e mellorando as condicións de saúde e hixiene nas zonas afectadas. Unha vez finalizadas as obras, os residentes destes núcleos disporán dun servizo máis moderno e eficiente, que facilitará a xestión das augas residuais e minimiza os problemas derivados do uso de sistemas individuais.
O alcalde, Carlos Vázquez, destacou que esta actuación 'responde a unha demanda histórica dos veciños e supón un paso máis cara a un municipio máis sostible e comprometido co medio ambiente'. Estas actuacións forman parte das medidas destinadas a garantir servizos básicos de calidade nas distintas parroquias rurais, mellorando a vida diaria dos veciños e mantendo a sustentabilidade ambiental.