Deportes

Os primeiros clasificados en cada categoría levarán premios procedentes das tendas e experiencias que alberga o centro comercial coruñés

O Centro Comercial Marineda City da Coruña acollerá o vindeiro sábado 22 de xuño un torneo de baloncesto 3x3 en colaboración con Básquet Coruña.

A competición, de carácter gratuíto, terá lugar na praza exterior en horario de 10.00 a 14.00 horas e de 16.00 a 20.00 horas. Haberá tres categorías, mini masculino e mini feminino, para nenos e nenas nacidos en 2014 e 2015, e pre mini mixto, para nacidos en 2012 e 2013.

Deste xeiro, o sábado 22, en horario de mañá, terá lugar a fase de grupos do torneo, e o mesmo día, en horario de tarde, celebraranse as eliminatorias e a entrega de premios.

Os primeiros clasificados en cada categoría levarán premios de Decathlon e Ikea, mentres que os segundos e terceiros recibirán plans de lecer como entradas para xogar aos birlos en Estrela Park Experience ou para ir ao cinema en Cinesa Marineda.