Iván Prieto Lesta proclámase campión galego de loita sambo
Iván Prieto Lesta vén de sumar un novo éxito deportivo ao proclamarse campión galego de loita sambo. O título galego de sambo chega despois doutra actuación destacada de Prieto Lesta no circuíto estatal de base, onde xa se fixera co bronce na Copa de España Infantil de judo, na categoría de -55 quilos.
O Campionato Galego de Loita Sambo disputouse o sábado 31 de xaneiro no Pazo Provincial dos Deportes de Lugo e foi unha cita selectiva para definir a representación galega nos vindeiros campionatos estatais. A competición, organizada pola Federación Galega de Loita e o club Loita Lugo, reuniu arredor de 100 participantes en sambo e acadou un récord global de 280 deportistas sumando tamén as loitas olímpicas, con presenza de 25 clubs de toda Galicia.
A xornada confirmou, ademais, o bo momento desta disciplina, cunha participación que superou os 80 competidores chegados de distintos puntos do país, tal e como recolleron crónicas da cita.