Invístense 900.000 euros nos servizos de limpeza das praias de 41 concellos coruñeses
A Deputación da Coruña publica este venres no Boletín Oficial da Provincia a concesión provisional do programa de limpeza de praias 2024, a través do cal financia con 900.000 euros este servizo en 41 municipios costeiros da provincia. As axudas rondarán os 6.768 e 31.197 euros.
A finalidade do programa é apoiar aos concellos coruñeses no sostemento dos gastos de contratación do persoal das brigadas que se encargarán da limpeza dos areais da provincia durante os meses de verán, así como da adquisición do material necesario, coma o vestiario ou o combustible.
O presidente da Deputación da Coruña, Valentín González Formoso, destacou a importancia deste programa, “que contribúe a que as praias da provincia da Coruña estean en condicións óptimas durante o verán e impulsa tamén a creación de emprego”. Con cargo deste programa e do de contratación de socorristas en piscinas municipais e praias fluviais, os concellos contratan cada verán a preto de 300 persoas.
A subvención para a creación destas brigadas de limpeza ten unha duración máxima de tres meses, que deberán estar comprendidos entre o 1 de abril e o 31 de outubro. O importe máximo concedido ascende a 31.197 euros (Ferrol e Carballo) euros e o mínimo a 6.768 euros (Outes, Neda e Corcubión). A Deputación aplicará criterios obxectivos para a baremación das solicitudes, en función da superficie total das praias existentes en cada termo municipal, segundo os datos facilitados polo Ministerio para a Transición Ecolóxica e o Reto Demográfico, e a poboación oficial do concello, segundo os datos do Instituto Nacional de Estatística (INE).
Solicitudes concebidas provisionalmente pola Deputación
Concello da Coruña - 24.957,83€
Concello da Laracha - 23.709,94€
Concello da Pobra do Caramiñal - 23.397,97€
Concello de Ares - 24.957,83€
Concello de Arteixo - 22.494,50€
Concello de Bergondo - 23.397,97€
Concello de Boiro - 25.581,78€
Concello de Cabana de Bergantiños - 16.868,66€
Concello de Cabanas - 23.086,00€
Concello de Camariñas - 26.517,70€
Concello de Carballo - 31.197,29€
Concello de Cariño - 17.055,26€
Concello de Carnota - 29.325,46€
Concello de Cedeira - 11.406,19€
Concello de Cee - 21.838,11€
Concello de Corcubión - 6.768,00€
Concello de Dumbría - 19.654,29€
Concello de Fene - 8.308,69€
Concello de Ferrol - 31.197,29€
Concello de Fisterra - 26.205,73€
Concello de Laxe - 26.205,73€
Concello de Malpica de Bergantiños - 12.319,96€
Concello de Mañon - 23.639,38€
Concello de Miño - 24.957,83€
Concello de Mugardos - 20.278,24€
Concello de Muros - 24.957,83€
Concello de Muxía - 19.360,02€
Concello de Naron -21.838,11€
Concello de Neda - 6.768,00€
Concello de Noia - 19.688,66€
Concello de Oleiros - 28.077,56€
Concello de Ortigueira - 25.991,64€
Concello de Outes - 6.768,00€
Concello de Paderne - 18.094,43€
Concello de Ponteceso - 29.637,43€
Concello de Pontedeume - 20.278,24€
Concello de Porto do Son - 29.637,43€
Concello de Rianxo - 22.150,08€
Concello de Ribeira - 27.765,59€
Concello de Sada - 24.021,92€
Concello de Valdoviño - 29.637,43€
Importe total concedido: 900.000 EUROS