Incendio detrás das canteiras do Moucho en Novo Mesoiro
Esta tarde, arredor das 15.00 horas, varias dotacións dos Bombeiros de A Coruña acudiron a Novo Mesoiro tras recibir chamadas de veciños alertando dun incendio nun monte situado detrás das canteiras do Moucho, na fronteira co concello de Arteixo.
Debido á preocupación polos lumes rexistrados nos últimos días, os cidadáns avisaron de inmediato aos servizos de emerxencia ao ver fume na zona. Os veciños solicitaron tamén que se retiren os coches da explanada xunto á pista de baloncesto para facilitar o paso dos bombeiros. Para apoiar as labores de extinción desde o aire, un helicóptero sobrevoou o lugar.
O vento intenso complica a intervención, pero os equipos de emerxencia lograron rodear o foco e contelo. Aínda así, as tarefas de extinción continúan para asegurar que o lume quede completamente apagado.
ACTUALIZACIÓN:
Dende as 17.00 horas o incendio está estabilizado.