Galicia acolle a construción dos dous maiores platós de cine de España
Galicia consolídase como un dos territorios de referencia no cine e na televisión española, e agora da un paso máis coa construción dos dous maiores platós de España. As obras, realízanse xunto ao recentemente inaugurado plató virtual Coruña Estudio Inmersivo (CEI), de 800 m², tamén na Cidade das TIC.
Os novos edificios contarán con superficies diáfanas de 2.500 e 2.000 m², con 14 metros de altura, e disporán de oficinas, áreas técnicas, camerinos, vestiarios e almacén. A estrutura principal será de hormigón prefabricado, unha innovación da empresa galega Rodiñas, e as instalacións contarán cun sistema de aerotermia e enerxía solar que cubrirá o 80% do consumo eléctrico, garantindo un ambiente silencioso para gravacións.
O complexo estará xestionado pola sociedade galega Pedralonga Estudios SL, integrada polas principais produtoras locais, o Clúster Audiovisual Galego e a Universidade da Coruña. Ocupa as antigas instalacións da fábrica de armas da cidade e sumará un total de 5.500 m², dos cales 4.500 estarán dedicados aos platós.
Estas novas instalacións superarán en tamaño e tecnoloxía aos maiores estudios actuais de España, como os da Cidade da Luz (Alicante) e Tres Cantos (Madrid), e tamén aos existentes en Portugal. A previsión é que entren en funcionamento a finais de 2026, consolidando a posición de Galicia como escenario atractivo para producións nacionais e internacionais.