Formoso afianza a colaboración da Deputación cos voluntarios de Protección Civil
Esta mañá de venres o presidente da Deputación da Coruña, Valentín González Formoso, reuniuse con representantes da Asociación Provincial de Voluntarios de Protección Civil co fin de analizar as vías de colaboración cun colectivo que presta “un servizo esencial”. Para desenvolver ese traballo, os voluntarios contan co apoio da Deputación, que nos últimos anos foi adaptando ás súas necesidades específicas as liñas de subvencións. A través delas, véñense financiando adquisicións de materiais e ferramentas, como tamén programas de formación.
No 2023, a Deputación financiou a un total de 20 agrupacións de Protección Civil de concellos de menos de 50.000 habitantes da provincia (Ames, Betanzos, Boiro, Carnota, Curtis, A Laracha, Muxía, Negreira, Val do Dubra e Vimianzo, Ribeira, Dumbría, Carballo, Bergondo, Muros, Boimorto, A Pobra, Mazaricos, Ares e Abegondo) a adquisición de novos equipos de comunicacións ou scooters para os seus desprazamentos, ademáis doutras 17 que recibiron axudas de entre 2.200 e 6.600 euros tanto para dotar de material ás agrupacións como para mellorar a formación dos voluntarios e voluntarias en cuestións como prevención e atención a urxencias e emerxencias, manexo de radio ou pilotaxe de drons.
En 2024, a Deputación destina nos seus orzamentos 190.000 euros para apoiar o traballo das agrupación de Protección Civil da provincia da Coruña.