Esta fin de semana celébrase a 28º Edición do Rally da Coruña: ubicacións e percorridos
ACoruñaXa
O venres 15 e o sábado 16 de marzo disputase o Rally da Coruña, a primeira proba do Campionato Galego de Rallys 2024
16 Mar 2024
O Rally da Coruña será a fin de semana do 15 e 16 de marzo na súa vixésimo oitava edición. A proba que abrirá o Campionato Galego comezará o venres na Praza de María Pita coa cerimonia de saída ás 20.00 horas.
No evento disputáranse 3 WRC, 8 Rally2 e R5. Ademais, o venres de 11.00 horas a 14.00 horas haberá unha sesión de shakedown (o tamo de probas) en Ledoño (Culleredo). Ademais de 12.00 a 16.00 se poderán ver de cerca os coches participantes nos Pazo dos Deportes de Riazor na Coruña.
O valor do parque pechado é o máis alto da historia do automobilismo galego, superando os 6 millóns de euros.
En total 108 equipos completaron a inscrición, entre os que destacan grandes nomes do automobilismo coruñés, como Victor Senra e Iván Ares, ambos farán as delicias dos miles de afeccionados con senllos WRC, Citroën C3 WRC para Victor, Ford Festa WRC para Iván, e Iago Caamaño que tomará a saída coa súa Ford Festa Rally2.
Unha das grandes novidades esta tempada é Daniel Berdomás, que vén de gañar a copa Toyota Ibérica e que competirá esta tempada no certame autonómico cun vehículo da categoría Rally2.
Tampouco faltarán á cita herculina as principais espadas do galego, con Alberto Meira ou Luis Vilariño, ambos con Skoda Fabia, aos que hai que sumar aos pilotos para os que Coruña é a súa carreira local, Santi García e Daniel Orgeira. Ambos debutarán cun vehículo da categoría Rally2/R5. Os outros dous vehículos da categoría WRC estarán pilotados polo carballés Ismael Trigo e o medillense Alberto Otero.
Neste sentido no Rally da Coruña disputaránse os seguintes trofeos: o Supercampeonato R5 - 7, o Top Ten B - 5, o Top Ten C - 14, o Pirelli AMF - 14 e o Volante FGA - 11.
One Seven Racing é o encargado de organizar o evento en colaboración coa Deputación da Coruña e a Xunta de Galicia. Segundo informa o organizador o Rally arrincará na cidade da Coruña e contará cunha etapa dividida en catro seccións, á espera de que nos vindeiros días se publique o itinerario.
Tramos e percorridos
Entre o venres 15 e o sábado 16 continuarase coas probas con tramos que discorrerán polos municipios de Oza-Cesuras, Coirós, Culleredo, Aranga, Cerceda e Arteixo.
-
- Coirós / Oza-Cesuras
O tramo arrinca cunha zona espectáculo que fará as delicias dos afeccionados, é un tramo con moitos cambios de ritmo ao combinar zonas anchas con outras máis estreitas e sucias, que poñerán a proba a concentración dos equipos. O ter un bo ritmo será clave para non deixarse uns segundos que poden marcar a diferenza nas dúas pasadas que se realizarán.
-
- Aranga
Tramo moi rápido, que arrinca en baixada para pasar polo emblemático Puente Aranga, a partir de aí ascende ata chegar a unha de granxas onde a confianza será clave para non deixarse tempo, posteriormente os equipos enfrontaranse a unha baixada moi técnica.
-
- Arteixo
Tramo xa emblemático no Rallye da coruña, onde se adoita congregar máis público pola facilidade e espectacularidade dos seus accesos. Volverá acumular centos de afeccionados en Boedo, onde a forte freada sempre asegura un bo espectáculo. A parte final deste tramo realizarase tamén como shakedown na mañá do venres.
-
- Cerceda
Repítese a especial da tempada pasada, ao redor do Lago de As Encrobas e coa meta en Meirama, tramo con moitas sucidades no seu parte inicial, aínda que na parte media do tramo discorre por unha zona máis rápida e técnica. O final do tramo é moi estreito e con zonas onde calquera mínimo erro pode facer perder un tempo moi valioso.