Entregáronse máis de 2000 euros en premios no concurso de disfraces de Carral
Carral festexou o seu Entroido por todo o alto cun concurso e dun desfile de disfraces no que se repartiron máis de 2.000 euros en premios.
Celebrouse este domingo 2 de marzo, tanto polas rúas do municipio como no Complexo Deportivo de Paleo. O Concello organizou, entre outras actividades, un concurso con diferentes categorías: infantil (para nenos e nenas de 0 a 11 anos), individual e por parellas (para maiores de 12 anos), comparsas e comparsas con carroza.
Repartíronse máis de 2.000 euros en premios entre todas as categorías. No caso dos disfraces infantís, recibirán agasallo os cinco nenos e nenas que vistan as súas mellores galas entroideiras.
Desde o Concello de Carral agradecen a súa colaboración tanto “a Protección Civil de Carral, Emerxencias Carral, Garda Civil, ás persoas que integran o xurado e a todas e todos os participantes polo seu comportamento exemplar, gozando unha vez máis dunha marabillosa tarde dunha das festas máis senlleiras da nosa comunidade”.