Documentais galegos e retrospectivas internacionais marcan o arranque da nova tempada na Filmoteca de Galicia
A Filmoteca de Galicia na Coruña arranca a súa nova temporada de proxeccións 2024-2025 na Sala José Sellier da Coruña, destacando a presentación dos máis recentes traballos de tres cineastas galegos: César Souto, Simón Casal e Jorge Algora. Este mes, o público poderá disfrutar de documentais de gran relevancia dentro da sección Off Galicia, así como de programacións dedicadas a icónicos cineastas internacionais.
O ciclo de proxeccións Off Galicia comeza o martes 17 de setembro con A Foreign Song (2022) de César Souto, que explora a figura do poeta modernista estadounidense Wallace Stevens. O venres 20 de setembro, Simón Casal presentará The Gourougou Trial (2022) e Artificial Justice (2022), que abordan temas sobre a intelixencia artificial na administración. Ambos filmes chegan en paralelo ao novo filme de ficción do director sobre a mesma temática.
A estrea de Dislexia: demasiados días desastrosos (2024) de Jorge Algora terá lugar o xoves 26 de setembro. Este documental ofrece unha visión íntima dos desafíos que enfróntanse os mozos e mozas con dislexia, baseado na experiencia persoal de Algora e nas perspectivas de especialistas en saúde.
Ademais dos documentais galegos, a Filmoteca de Galicia retoma a súa programación cun ciclo adicado ao cineasta xaponés Yasujirô Ozu. Esta sección, que se concentrará na etapa de 1932 a 1942, ofrecerá sete filmes que ilustran a evolución do estilo de Ozu. O mes de setembro comeza coas proxeccións de clásicos da etapa muda como Historia de una hierba errante e Fantasía pasajera, así como de títulos do período sonoro como El hijo único e Había un padre.
A programación tamén inclúe a nova retrospectiva Universo Agnès Varda, que homenaxeará á cineasta francesa e súa visión feminista no cinema. A partir do 24 de setembro, o ciclo amosará filmes fundamentais da súa carreira, incluíndo La Pointe-Courte e Du côté de la côte, e continuará até decembro co obxectivo de resaltar a contribución das mulleres no cinema.
Todos os eventos de setembro son de balde ata completar a capacidade, ofrecendo ao público unha ampla gama de opcións culturais e cinematográficas para iniciar a nova temporada.