De Ordes a Portugal: Castiel Álvarez Balado debuta no Campionato Nacional de Kárting
O veciño de Ordes, Castiel Álvarez Balado, fixo o seu debut no Campionato Nacional de Kárting de Portugal, competindo na categoría X30 Júnior. A pesar de ser a súa primeira participación nunha competición deste nivel, Castiel logrou rematar as carreiras en 13ª posición, entre 15 participantes, acadando unha valiosa experiencia para o seu futuro no mundo do kárting.
Ademais, o piloto de Ordes participou na carreira a bordo dun kart fabricado en Galicia, concretamente da marca Seijo Kart, de Caldas de Reis, o único fabricante español autorizado pola FIA, o que engade un valor extra á súa actuación.
Agora, Castiel continúa traballando para mellorar e prepararse para a seguinte cita, que terá lugar o 29 e 30 de marzo no Campionato Galego de Kárting nas Pontes. Unha nova oportunidade para que o piloto amose todo o seu talento e siga facendo progresos nesta emocionante disciplina deportiva.