Curtis instala unha illa de residuos no Recinto Feiral do municipio

A illa conta cun total de 9 colectores para incentivar a reciclaxe entre a veciñanza

O Concello de Curtis instalou unha illa de residuos co apoio da Secretaría de Estado de Comercio, dentro da liña de axudas para o apoio da actividade comercial en zonas rurais do ano 2022, no marco do Plan de Recuperación, Transformación e Resiliencia financiado pola Unión Europea - Next Generation EU.

Esta nova illa de residuos, situada no Recinto Feiral de Curtis, conta cun total de 9 colectores:
1 de aceite, 1 de papel, 2 colectores amarelos para envases, 1 de vidro, 2 marróns para residuos orgánicos y 2 contenedores verdes para restos xerais.

A iniciativa ten como obxectivo mellorar a xestión de residuos e fomentar prácticas sostibles.