Curtis completa as obras na rúa Camiño Real e no acceso a Gorxá

O proxecto inclúe a mellora das infraestruturas básicas e a creación dun novo espazo para peóns

O Concello de Curtis finalizou os traballos na rúa Camiño Real e no acceso ao núcleo de Gorxá, cun investimento superior aos 251.000 euros. As obras incluíron a renovación integral da rede de abastecemento de auga e da rede de saneamento, mellorando a eficiencia do servizo.

Ademais, pavimentouse toda a rúa e construíuse unha senda peonil, co obxectivo de aumentar a seguridade viaria e facilitar o tránsito de peóns. O proxecto supón un paso importante na modernización da infraestrutura urbana do municipio.