Culleredo inicia un plan de replantación na ribeira do río Trabe para conservar o espazo natural
O Concello de Culleredo puxo en marcha un plan de replantación de árbores na ribeira do río Trabe ao seu paso por Vilaboa, coa finalidade de mellorar a seguridade na zona e conservar o espazo natural. Desde febreiro, o Goberno local traballa na retirada de exemplares que presentan riscos debido ao seu estado e na súa substitución por novos exemplares máis saudables.
A actuación foi o resultado dun exhaustivo estudo realizado despois dos temporais de xaneiro, que provocaron a caída dun chopo na zona. O Concello encargou un análisis técnico a unha empresa especializada, que revisou o estado do arbolado ao longo dun tramo de 450 metros do río Trabe. O informe resultante detalla que, de 31 exemplares analizados, a maioría son chopos e alisos, ademais de algúns plátanos de sombra e un sauce. O diagnóstico concluíu que 25 árbores deben ser retiradas por presentar un estado de deterioro avanzado, mentres que outras seis precisan unha poda e revisión.
Ademais, para garantir a seguridade dos veciños, o Concello limitou o acceso ao redor de catro exemplares especialmente deteriorados, co fin de evitar posibles accidentes por caída de ramas ou derrubo dos propios árbores. Con este informe técnico en man, o Concello presentou unha solicitude formal ante Augas de Galicia o pasado 2 de abril para autorizar a tala e posterior replantación na zona, que se sitúa dentro do dominio público hidráulico e a súa zona de protección de leitos fluviais.
A xestión do arbolado na zona responde á preocupación polo mal estado de moitos dos exemplares, que, segundo o informe, están en fase senescente, o que significa que están en proceso de envellecemento e presentan unha maior probabilidade de caer ou sufrir fracturas. Ante o risco de posibles accidentes, o Goberno local decidiu actuar de maneira preventiva e iniciar a replantación de árbores autóctonas, adaptadas ao ecosistema fluvial da zona, de acordo cos criterios dos técnicos.
Este plan de mellora e replantación de árbores non só busca asegurar a seguridade no entorno natural, senón tamén contribuír á preservación e restauración dun espazo verde para disfrute de toda a veciñanza.