Culleredo celebra a III Edición da camiñada solidaria pola Esclerose Múltiple o 1 de decembro
O domingo 24 de novembro, celebrarase en Culleredo a III Edición da marcha solidaria "Camiñemos pola EM", organizada pola Asociación Coruñesa de Esclerose Múltiple (ACEM) en colaboración coa Asociación Española de Esclerose Múltiple (AEDEM). Este evento ten como obxectivo dar visibilidade á enfermidade no marco do Día Nacional da Esclerose Múltiple.
A camiñada terá lugar ás 10:30 da mañá na explanada do Paseo Marítimo de O Burgo, onde os participantes percorrerán 2 quilómetros para apoiar a loita contra a esclerose múltiple. As inscricións están abertas ata o 22 de novembro ás 12:00 h a través da seguinte ligazón ou presencialmente na sede de ACEM, situada na 3ª planta do Centro Cívico San Diego, na Avda. Alberto García Ferreiro, sen número, 15006 A Coruña.
As persoas que desexen adquirir a camiseta da campaña “CamiñEMos” poden facelo mediante un donativo de 10 euros na sede de ACEM. Para máis información, os interesados poden contactar nos teléfonos 981 240 985 ou 677 477 495.