Cortes de luz en varias zonas de Sada durante a madrugada por traballos de mantemento
UFD Naturgy informou de que realizará traballos de mantemento e mellora na rede eléctrica de Sada durante as madrugadas do xoves 6 e do venres 7 de novembro. Estas actuacións obrigarán a deixar fóra de servizo determinadas instalacións, o que pode provocar cortes de luz totais ou parciais en varias zonas do municipio.
O primeiro corte está previsto para o xoves 6 de novembro, entre as 00.00 e as 07.00 horas, e afectará ás áreas de Coiro, Espírito Santo, Alborelle, Campo de Sar, Costa, Soñeiro, Mandín e á urbanización Villablanca.
O segundo realizarase o venres 7 de novembro, no mesmo horario, e afectará a Chaburra, Riobao, Serra, A Fraga, Osedo, Seixeda, Avenida Barrié de la Maza, A Lagoa, Fontán, Quintán-Mondego, Granxa e Vertín.
Desde UFD Naturgy sinalan que estes traballos son imprescindibles para garantir e mellorar a calidade do servizo eléctrico, e piden desculpas polas molestias que poidan ocasionar aos veciños.