Cortan o tráfico en Oleiros por obras de pavimentación en tres rúas

As rúas Campo do Souto, Atochas e Rúa da Vila estarán pechadas ao tráfico durante os traballos de mellora do firme

En Oleiros están a levar a cabo traballos de pavimentación nas rúas Campo do Souto, Atochas e Rúa da Vila, que obrigarán a cortes totais de tráfico nestas tres vías.

Os traballos de asfaltado comezaron hoxe na rúa Campo do Souto e continuarán mañá venres na rúa Atochas.

A próxima semana, os días luns 21 e martes 22 de xullo, as tarefas trasladaranse á Rúa da Vila, onde se pavimentará por tramos.

Durante a execución das obras, tanto a circulación como o estacionamento de vehículos estarán prohibidos nas rúas nas que se estea a actuar.

Porén, as datas previstas poderían variar debido ás condicións meteorolóxicas ou a imprevistos no desenvolvemento dos traballos.