Comezan as obras na rúa Os Quenllos, en Curtis
O Concello de Curtis anunciou o inicio das obras na rúa Os Quenllos, proxecto que combina a instalación dun colector de pluviais coa renovación do firme da calzada. A actuación responde á necesidade de mellorar a evacuación das augas e a seguridade viaria na contorna, ademais de adecentar a superficie de rodadura para garantir unha circulación máis funcional e cómoda para veciños e veciñas.
O investimento asignado para estes traballos ascende a 167.009,66 euros. A contía comprende tanto as obras de saneamento pluvial como as intervencións sobre o firme, e forma parte das actuacións municipais orientadas á modernización da rede viaria do municipio.
Segundo as fontes municipais, as obras abranguerán a instalación da nova canalización de pluviais e a reposición do pavimento onde sexa preciso, incluíndose tarefas de demolición puntual e recomposto do firme antes do extendido definitivo. Estas actuacións realizanse co fin de evitar encharcamentos, mellorar a recollida de augas de escorrentía e prolongar a vida útil da calzada.
O Concello lembra que este tipo de intervencións deben compatibilizar a execución dos traballos coa accesibilidade e a seguridade dos residentes, polo que se adoptarán medidas temporais de sinalización e circulación durante a duración dos mesmos. Tamén subliñan que estas obras en Os Quenllos se enmarcan nun plan máis amplo de melloras viarias e servizos locais impulsado polo goberno municipal.