Coirós lembra as obrigas para a tenencia de cans potencialmente perigosos
O Concello de Coirós emite un aviso á veciñanza ante a alarma xerada nas últimas semanas polo presenza de cans potencialmente perigosos na vía pública. A administración local lembra ás persoas propietarias que estes animais deben estar debidamente rexistrados no Concello, dispoñer da licenza municipal vixente e dun seguro de responsabilidade civil.
No espazo público, os cans deberán ir sempre suxeitos con correa non extensible de menos de dous metros e levar a boceira axeitada ao seu tamaño e características. O incumprimento destas medidas pode derivar nas sancións previstas pola normativa.
O Goberno local agradece a colaboración cidadá para garantir unha convivencia segura e responsable e solicita comunicar calquera incidencia a través dos canais municipais de atención.