Cogami imparte na Coruña un curso de auxiliar de almacén a mozos con discapacidade
A Confederación Galega de Persoas con Discapacidade (COGAMI) iniciou nas instalacións na A Coruña un curso de Actividades auxiliares de almacén no que participa un grupo de mozas e mozos de entre 18 e 29 anos procedentes dos concellos de A Coruña, Arteixo e Betanzos con discapacidades.
Esta formación está enmarcada nas axudas económicas para a selección de operacións para o reforzo da empregabilidade para persoas con discapacidade 'Un a un' 2023-2024 cofinanciadas por Fundación Once e Fondo Social Europeo+ 2021-2027. "Unha Europa máis social e inclusiva", para os programas: Programa FSE+ de Emprego Xuvenil 2021-2027 e Programa FSE+ de Inclusión Social Garantía Infantil y Loita Contra a Pobreza 2021-2027.
Un dos requisitos para poder inscribirse na formación é estar en posesión do certificado de discapacidade cun grao do 33% como mínimo e estar inscrito no Sistema Nacional de Garantía Xuvenil. A través desta preparación preténdese dar resposta a unha demanda real de auxiliares de almacén e ofrecer oportunidades laborais.
O curso, que ten unha duración de 290 horas, finalizando a primeira semana do mes de xuño, estase impartindo en horario de 9.00 a 14.00 horas nas instalacións de COGAMI na cidade herculina. O alumnado traballará módulos sobre temáticas como operacións auxiliares de almacenaxe, preparación de pedidos, manipulación de cargas con carretillas elevadoras, busca de emprego, alfabetización dixital e formación no posto de traballo.
Formacións como esta que imparte COGAMI en A Coruña contribúen á preparación e cualificación de persoas con discapacidade desempregadas, pretendendo mellorar as súas posibilidades de inserción no mercado laboral. Os datos do ano pasado reflicten que o 44% das persoas que se formaron con COGAMI, lograron atopar traballo.