Carral reforza o mantemento da Costa da Egoa con rozas e limpeza de regos para mellorar o acceso

O Concello actúa na contorna para facilitar o paso de visitantes e preservar un espazo de alto valor ambiental e turístico

O Concello de Carral está a executar tarefas de mantemento e acondicionamento na Costa da Egoa, unha área de evidente interese natural e turístico. Os traballos consistiron nas rozas da vexetación para abrir paso e mellorar a accesibilidade peonil, así como na limpeza dos regos, co fin de garantir o correcto desaugadoiro e reducir o risco de deterioración do hábitat.

Con esta intervención, o goberno local procura conservar en bo estado un itinerario moi frecuentado por veciñanza e visitantes, ao tempo que reforza a seguridade dos percorridos e preserva os valores ambientais do entorno. A actuación enmárcase nas tarefas periódicas de coidado dos espazos naturais do municipio.