Carraceda celebrará o Entroido 2026 cunha comida popular e baile de disfraces
A Asociación de Veciños de Carraceda, no concello de Oza-Cesuras, xa ten todo preparado para celebrar o Entroido 2026 cunha xornada festiva que combinará gastronomía e diversión. A cita será o domingo 15 de febreiro no Local Social de Cines, onde se desenvolverá unha comida popular aberta á veciñanza e ás persoas que queiran achegarse.
O menú inclúe sopa de cocido, cocido completo, tarta de Santiago, bebida e café. Ademais, haberá filloas gratis para todas as persoas asistentes, nun ambiente pensado para compartir e desfrutar da tradición do Entroido.
Unha vez rematada a comida, a festa continuará cun animado baile de disfraces, que estará amenizado polo artista Eric Hidalgo, garantindo unha tarde chea de música e bo ambiente.
O prezo do xantar será de 30 euros para as persoas adultas e de 15 euros para os nenos e nenas menores de 12 anos. Para participar é necesario realizar reserva previa, contactando cos teléfonos que figuran no cartel do evento.