Eventos

A sesión comezará ás 19.00 e forma parte do ciclo municipal que xa ten confirmada outra cita o 25 de xaneiro con José Manuel, da orquestra Abanico

O programa ‘Domingos de Baile’ regresa este domingo 11 de xaneiro a Ordes cunha nova tarde de música en directo no ximnasio Campomaior. O encargado de animar a xornada será Carlos Manteiga, nunha sesión que comezará ás 19.00 e que busca ofrecer un espazo de encontro arredor do baile e do lecer.

Segundo informou o Concello, esta actividade dá continuidade ao ciclo que se vén celebrando nas últimas semanas e que combina diferentes actuacións ao longo do calendario. Tras a cita deste domingo, a seguinte data xa confirmada será o 25 de xaneiro, tamén ás 19.00, coa presenza de José Manuel, da orquestra Abanico.