Carlos Eiroa proclámase campión galego neoprofesional de boxeo en 75 quilos
O deporte de Sada suma un novo éxito. O boxeador Carlos Eiroa vén de proclamarse campión galego neoprofesional de boxeo na categoría de 75 quilos representando ao Club Boxing Sada, un logro polo que o Concello trasladou publicamente os seus parabéns.
Segundo a información difundida polo propio consistorio, o título decidiuuse no Campionato Galego Neoprofesional de Boxeo, unha cita que cada ano distingue aos mellores púxiles galegos desta modalidade en combates organizados pola Federación Galega de Boxeo.
A xornada na que Eiroa conseguiu o cinto desenvolveuse na Coruña, en Egeo Crossboxing, despois de diferentes veladas celebradas ao longo do ano noutras sedes, nun formato que o Concello describe como un paso relevante antes de dar o salto definitivo ao profesionalismo.